سخرية القدار

 سخرية الأقدار

أنا ليّا منّي تضايقت وأحزنت
من ضيقتي تحزن لحزني جماعه

لذا؟ اكابر لأني أجزمت وايقنت
انّي حريقٍ خاشيين إندلاعه

بك يا ألهي عن عطا غيرك أعتنت
ياللي خلقة من الصناعه صناعه

لا ضاق بي حالي توضّيت وأذّنت
وصليت لك يا رب سمعٍ وطاعه

مادامني عبدك وبأقدارك آمنت
أكيد أبّصبر لا أنفقد لي طماعه

لكنّي أعذر لا تشينت وأزدنت
أحلام عمري ضاعت فـ ربع ساعه

لا يا رفيقي ليت لا شنت ما زنت
أمرضتني وأنا ما عندي مناعه

كنت أحسب أنّك لا تبيّنت ؟ بيّنت
وأثرك مع البشعين تدرس بشاعه

قسيت بي وانا لقربك تهاونت
وكسبت ضيقة خاطري وأتّساعه

اللي على آمال تزويجها أدمنت
أخذتها في قرب جد ولكاعه

الله يطمنّ بك ليامن تطمنّت
واللي يعدّيني حدود المراعه

ما وقفت دنيا بكبرها على بنت
اللي يوقفها؟ الرفيق وضياعه

يـ أبناء العمومه لا تحسبونّي شنت
لا والذي تصبح بذكره الإذاعه

هو؟ماهو؟بهو لكن أنّي كما كنت
ما أخون فـ الصحاب ولا ألوي ذراعه

على العموم أشكرك جداً ولا هنت
أقنعتني في شي وأصبح قناعه

من سخرية الأقدار ؟ أنّي انا وأنت ؟
يضمنا جد .. ونسمّى جماعه


 وسلامتكم  للشاعر/ سعد علوش

05:36 - 2010/2/26